हामी सबैकाे संसारन्यूज

कोरोना किन गर्छ ताण्डव यहाँँ भो जिन्दगीको क्षति
बन्ला भन्छु अझै बनेन किन हो यो रोगको ओखती ।
मर्ने किन्तु मर्यो  मरिन्न डरले बाँच्नेहरू हो लड
आफ्नो ख्याल गरे जितिन्छ रण यो भाग्नेछ रे कोभिड ।।

धर्लान् मास्क सदा बुझेर जनले छोपेर बस्लान् मुख
दूरी राख्न कवै सुझाउँन परोस् पर्लान् न क्वै सम्मुख ।
हट्ने कायर बन्छ आत्मबलले बढ्नेहरू हो बढ
आफ्नो ख्याल गरे जितिन्छ रण यो भाग्नेछ रे कोभिड ।।

डेरा माग्छ तथापि भाइरसले बस्ला लुकी हातमा
धोऊँन् हात दुबै मिची स्वजनले पानी रहोस् साथमा ।
माथा चुम्न सकौँ सहास बटुली हे वीर हो लौ चढ
आफ्नो ख्याल गरे जितिन्छ रण यो भाग्नेछ रे कोभिड ।।

ए बिज्ञान नबस् निरीहपनमा लेख्छस् कहानी किन
जोगी बन्नु परोस् तथापि अहिल्यै घस्छस् खरानी किन ।
के हो खास यथार्थ वास्तविकता भेटिन्छ खोजी पढ
आफ्नो ख्याल गरे जितिन्छ रण यो भाग्नेछ रे कोभिड ।।

सारा विश्व छ ठप्प यो सफरमा चल्दैन हावासरि
उड्छन् प्राणपखेरु यो अवनिमा सकिन्नझैँ क्यै गरी ।
खोजौँ तथ्य कुरा मिली सबजना लाग्नेछ पत्ता जड
आफ्नो ख्याल गरे जितिन्छ रण यो भाग्नेछ रे कोभिड ।।

छन्दः शार्दूइविक्रीडित