हामी सबैकाे संसारन्यूज

१ भदौ, काठमाडौं । गत आर्थिक वर्षमा नेपाल बिद्युत प्रधिकरणले ११ अर्ब ५ करोड रुपैंयाँ खुद मुनाफा गरेको छ । यो आम्दानी अघिल्लो आर्थिक बर्षकोभन्दा १२.६४ प्रतिशतले बढी हो । अघिल्लो आर्थिक बर्षमा प्राधिकरणको नाफा ९ अर्ब ८१ करोड रुपैंयाँ रहेको थियो । योसंगै निरन्तर घाटाहुने सर्बजनिक संस्थानको बिरासतलाई तोडेको छ ।

आर्थिक बर्ष ०७५।७६ सम्ममा प्राधिकरणको संचित नोक्सानी १२ अर्ब २३ करोड रुपैंयाँ रहेको थियो । तर आ.व.०७६।७७ मा भने प्राधिकरणले अघिल्ला वर्षको आय ६ अर्ब ४ करोड रुपैंयाँ सहित संचित मुनाफा ४ अर्ब ८६ करोड रुपैंयाँ आर्जन भएको छ । गत आ.व.०७६।७७ मा विद्युत बिक्री तथा अन्य आम्दानी सहित कुल ७७ अर्ब ८० करोड रुपैंयाँ आम्दानी भएको छ । जुन गत आ.व.०७५।७६ को तुलनामा २.०९५ ले बढी हो । गत आ.व.०७५।७६ मा प्राधिकरणको आम्दानी ७६ अर्ब २० करोड रुपैंयाँ रहेको थियो ।

नियमित विद्युत सप्लाई गर्न सफल भएको तथा विद्युत खपतमा वृद्धि भएका कारण आम्दानीमा वृद्धि हुन पुगेको प्राधिकरणको भनाई छ । कोरोना भाईरसको माहामारीको कारण बिद्युतको खपतमा अपेक्षाकृत बृद्धि हुन नसकेको प्रधिकरणले जनाएको छ ।

गत आर्थिक वर्ष ०७६।७७ मा प्राधिकरणको सञ्चालन खर्च अघिल्लो आर्थिक वर्ष ०७५।७६ भन्दा १.९५ ले कम भएको छ । गत बर्ष प्रधिकरणको ५९ अर्ब २२ करोड रुपैंयाँ खर्च भएको थियो भने अघिल्लो बर्ष ५८ अर्ब ७ करोड रुपैंयाँ खर्च भएको थियो ।

विद्युत खरीद बापत अघिल्लो बर्ष ३८ अर्ब ८९ करोड रुपैंयाँ खर्च गरेको प्राधिकरणले गत बर्ष भने ३५ अर्ब १९ करोड रुपैंयाँ मात्र खर्च गरेको छ । गतबर्षको आम्दानी ७३ अर्ब ७६ करोड रुपैयाँ भएकोमा सञ्चालन खर्च ५८ अर्ब ६ करोड रुपैंयाा घटाउँदा उसको सञ्चालन मुनाफा १५ अर्ब ६९ करोड रुपैंयाँ हुन आउँछ । जुन आ।व। ०७५।७६ को तुलनामा करिब ३०.२१५ प्रतिशतले बढी हो । गतबर्ष प्राधिकरणको सञ्चालन मुनाफा १२ अर्ब ५ करोडरुपैंयाँ रहेको थियो ।

त्यस्तै उपलब्ध विद्युतमा विद्युत खरीदको हिस्सा झण्डैं ६०.९८ प्रतिशत रहेको प्राधिकरणले जनाएको छ । विद्युत बिक्री बापत भएको आम्दानी ६८ अर्ब ५३ करोड रुपैंयाँ मध्ये करिब ५१.३५५ प्रतिशत रकम विद्युत खरीदमा खर्च भएको उसको भनाई छ ।

आर्थिक वर्ष ०७५।७६ को तुलनामा विद्युत आयात घटेकाले गत बर्ष विद्युत खरीद वापतको लागत करिब ९.५१५ प्रतिशतले घट्न गएको प्राधिकरणको भनाइ छ ।

प्राधिकरणका अनुसार गतबर्ष अन्य सञ्चालन खर्च उत्पादन, रोयल्टी, प्रसारण तथा वितरणतर्फको क्रमशः २ अर्ब ११ करोड रुपैंयाँ, १ अर्ब ५७ करोड रुपैंयाँ, २ अर्ब १५ करोड रुपैंयाँ तथा ९ अर्ब २५ करोड रुपैंयाँ रहेको थियो ।

गत बर्ष नै प्राधिकरणले दीर्घकालीन ऋणको व्याज आ.व. ०७५।७६ को तुलनामा ४ अर्ब ७४ करोड रुपैंयाँ पुगेको छ अघिल्लो बर्ष यो खर्च ३ अर्ब ९८ करोड रुपैंयाँ रहेको थियो । त्यस्तै ह्रास कट्टी खर्च पनि झण्डै ३.०५५ प्रतिशतले बढेको छ । अघिल्लो वर्ष ४ अर्ब ८५ करोड रहेको यो खर्च बढेर ५ अर्ब पुगेको छ ।

प्राधिकरणका अनुसार गत बर्ष विदेशी मुद्रा विनिमयमा अघिल्लो वर्षको नोक्सानी भन्दा ९० लाख रुपैयाँले बढेर ४३ करोड ६० लाख रुपैंयाँ पुगेको छ । त्यस्तै अघिल्लो वर्षसम्मको पूँजिगत खर्च ५४ अर्ब ६३ करोड रुपैंयँले थप भई गत बर्षसम्ममा कुल पूँजिगत खर्च १ खर्ब २४ अर्ब ४७ करोड रुपैंयाँ पुगेको छ ।

प्राधिकरणले कर्मचारीको दीर्घकालीन दायित्वका उपदान, निवृत्तिभरण, औषधि उपचार खर्च, संचित बिदा लगायतका लागि ३ अर्ब ५० करोड रुपैंयाँ छुट्टयाइएको जनाएको छ ।