हामी सबैकाे संसारन्यूज

रातको चिसो कहरमा
उ परको डाँडामा
हिड्दै गरेका यात्रुहरु
बाटो विराए झै
अलमल परेझै
कोलाहल आवाज आएझै
त्यसको प्रतिछाँया देखियो मेरा आंखा वरिपरि
त्यसको प्रतिध्वनि आइपुग्यो मेरा कान भरि
म रातको समयमा झसङ्ग भए
किन ती यात्रुहरु अल्मलिएका होलान ?
के समस्या पर्याे होला उनीहरुलाई ?
मैले धेरै गमे
सोचे, विचार गरे
अहं उत्तर फेला पर्दैन
फेरि सोंचे
कतै उत्तर फेला पर्दैन
माथि घरको छतमा गएर हेरे वरिपरि
अहं उत्तर फेला परेन
छतबाट तल भर्याङ्गमा ओर्लिदै गर्दा
मैले गमे
ती यात्रुमध्ये अगुवाले वाटो पुरानो रोजेछ
र त ति यात्रुहरू अल्मलिएका रहे छन
त्यहाँ त नयाँ वाटो बनी सकेको थियोे
तर अगुवालाई थाहा नै भएन
किनकि उ पुरानै वाटो हिड्न वानी परेको थियोे
त्यसैले अगुवाले थाहा पाएन
अनि यात्रुहरुले दुखः पाएछन ।
अब के गर्ने होला यो रातमा ?
अब भोली विहान उज्यालो हुने बित्तिकै
उठेर भनी दिनु पर्दछ ती पल्लो गाउँका मानिसलाई
न्याय,विकास र समृद्धिका लागि हिँडेका
ति अल्मलिएका यात्रुलाई
गन्तव्यमा पुग्ने नयाँ वाटो देखाइ दिनु भनेर
ति अलमलमा परेका यात्रुलाई
गन्तव्यमा पुग्ने नयाँ वाटो देखाइ दिनु भनेर