हामी सबैकाे संसारन्यूज

मुटु भित्र पाहुँना बनेर डुल्नेहरु पनि भेटाँए,
कता कती फूल बनेर फुल्नेहरु पनि भेटाँए ।

भुल्नै नसक्ने भेटिन्छन जीवनको सफरमा,
कता कती सपना मा झुल्नेहरु पनि भेटाएँ ।

प्रचण्ड घाम मरुभूमीमा छटपटाएकै बेला,
हृदयमा सितलु बनेर घुल्नेहरु पनि भेटाएँ ।

दुखःसुखका हमसफर बनेर साथ दिने मुटु,
जीबनभरी कहिल्यै नभुल्नेहरु पनि भेटाएँ ।

कस्ता–कस्ता भेटीए जीवनको यो सफरमा,
अरुको मिहेनत आफै हुल्नेहरु पनि भेटाएँ ।
देखियो जीवनका कुईनेटाहरुमा मानवहरु,
मुटुमै पसेर किराया असुल्नेहरु पनि भेटाएँ ।

जो भेटिए ती यादहरु पाहुँना बनेर आउँदा,
हृदयमा सम्झनाले छिचोल्नेहरु पनि भेटाएँ ।