हामी सबैकाे संसारन्यूज

भदौँ २४, काठमाडौँ । इंल्याण्ड र अष्ट्रेलिया बिचको तेस्रो तथा अन्तिम टि-२० मा अष्ट्रेलिया ५ विकेटले विजयी भएको छ ।

टस हारेर पहिले ब्याटिङ्ग गरेको इंल्याण्डले २० ओभरमा ६ विकेट गुमाएर १४५ रन बनाएको थियो । इंल्याण्डका लागि ब्याटिङ्गमा ओपनर जोनी बेस्टो सर्वाधिक ५५ रन बनाएका थिए । अष्ट्रेलियाका लागि भने बलिङ्गमा एडम जाम्पाले सर्वाधिक २ विकेट लिएका थिए ।

इंल्याण्डले दिएको १४६ रनको लक्ष्य अष्ट्रेलियाले १९.३ ओभरमा ५ विकेट गुमाएर पुरा गर्यो । अष्ट्रेलियाका लागि एरण फिंच र मिचल मार्सले सर्वाधिक ३९ रन बनाएका थिए । इंल्याण्डका लागि बलिङ्गमा आदिल रासिदले सर्वाधिक ३ विकेट लिएका थिए ।

तेस्रो टि-२० मा अष्ट्रेलिया विजयी भए पनि ३ खेलको टि-२० श्रृखला भने इंल्याण्डले २-१ ले जितेको छ ।