हामी सबैकाे संसारन्यूज

२८ भदौ, काठमाडौँ । कोभिड १९ लाई जितेर घर फर्किएका भारतका गृहमन्त्री अमित शाह पुनः अस्पताल भर्ना भएका छन् ।

१५ दिन अघि घर फर्किएका शाहलाई फेरि श्वासप्रश्वासमा समस्या देखिएपछि शनिवार राती नै नयाँदिल्लीस्थित एम्स अस्पतालमा भर्ना गरिएको भारतीय संचार माध्यमहरुले जनाएका छन् ।

कोरोना संक्रमणमुक्त भए पनि गृहमन्त्री शाहलाई श्वासप्रश्वासमा समस्या देखिएपछि एम्समै भर्ना गरेर उपचार सुरु गरिएको समाचारमा जनाइएको छ । शाहलाई एम्सको कार्डियो न्यूरो टावरमा भर्ना गरिएको छ ।

चिकित्सकहरुले शाहलाई केही समय अस्पतालमै राख्नुपर्ने सुझाव दिएका छन् । चिकित्सकहरुको निगरानीमै उनको उपचार चल्नेछ ।

गृहमन्त्री शाह अगस्ट महिनामा कोरोना संक्रमित भएका थिए । मेदान्ता अस्पतालमा उपचारपछि दुई सातामा उनको रिपोर्ट नेगेटिभ आएको थियो ।