हामी सबैकाे संसारन्यूज

३० भदौ, कास्की । कोरोना संक्रमणबाट गण्डकी प्रदेशमा एक पुरुषको मृत्यु भएको छ ।

गण्डकी प्रदेशको स्वास्थ्य निर्देशनालयले दिएको जानकारी अनुसार पोखरा महानगरपालिकाका ७० वर्षीय पुरुषको मणिपाल अस्पतालमा उपचारका क्रममा सोमबार राति ११ः२० मा मृत्यु भएको हो ।

निर्देशनालयका अनुसार क्यान्सरको रोगको विरामी रहेका उनी भदौ २५ गते उक्त अस्पतालमा भर्ना भएर उपचार गराइरहेकोमा भदौ २८ गते कोरोना संक्रमण पुष्टि भएको थियो ।

सोमबार राति मृत्यु भएका यी पुरुषसँगै गण्डकी प्रदेशमा कोरोना संक्रमणबाट मृत्यु हुनेको संख्या ३१ पुगेको पनि निर्देशनालयका निर्देशक तथा कोरोना नियन्त्रण तथा रोकथाम कार्यक्रमका प्रवक्ता डा. विनोद बिन्दु शर्माले जानकारी दिएका छन् ।

त्यसैगरी गण्डकी प्रदेशमा आज थपिएका ५१ जनासँगै कोरोना संक्रमितको संख्या ३११६ पुगेको छ ।

गण्डकी प्रदेशमा थप ४७ जनामा कोरोना संक्रमण, संक्रमितको संख्या ३११२ पुग्यो