हामी सबैकाे संसारन्यूज

काठमाडौं । मेरो शेयरको मोवाइल एप आउने भएको छ । सीडीएस एण्ड क्लियरिङ लिमिटेड (सीडीएससी)ले उक्त मोबाइल एप ल्याउन लागेको हो । जनाइएअनुसार बुधबार मोबाइल एप सार्वजनिक हुनेछ ।

सीडीएससीले उक्त एपको आन्तरीक परिक्षण गरि सकेको जानकारी दिएको छ । आन्तरीक परिक्षण सफल भएपछि सर्वसाधारणका लागि पनि त्यो सार्वजनिक गर्न लागिएको हो ।

जनाइएअनुसार मोबाइल एप पहिलो चरणमा एन्ड्रोईड भर्जनका प्रयोगकर्ताले मात्रै प्रयोग गर्न सक्नेछन् । अन्य भर्जनका प्रयोगकर्ताका लागि अर्को चरणमा एप सार्वजनिक हुनेछ । हालसम्म मेरो शेयरको सफ्टवेयर वेभबेस मात्रै थियो ।

एपबाट विशेषगरि आईपीओमा निवेदन दिने र शेयर बिक्रीपश्चात ट्रान्सफर गर्ने सुविधा हुने जनाइएको छ । हाल वेभपेजमा मात्रै निर्भर रहनुपर्दा निकै समस्याहरु रहने गरेका थिए ।