Sansar News
काठमाडौं । सत्तारुढ नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले मन्त्रिपरिषद पुनर्गठन छिटोभन्दा छिटो हुने बताएका छन् । मंगलबार पार्टी सचिवालय बैठकका निर्णयहरु सार्वजनिक गर्ने क्रममा उनले सो कुरा बताएका हुन् ।
उनका अनुसार मंगलबारको सचिवालय बैठकले मन्त्रिपरिषद पुनर्गठनबारे भने कुनै छलफल गरेको छैन् ।
‘मन्त्रिपरिषद् पुनर्गठन छिटोभन्दा छिटो हुन्छ,’ पत्रकारको एक प्रश्नको जवाफमा प्रवक्ता श्रेष्ठले भने, ‘यसबारे अस्ति भनेको बाहेक मसँग अरू जवाफ छैन ।’
पार्टी कार्यालय पेरिसडाँडामा आइतबार सम्पन्न सचिवालय बैठकले मन्त्रिपरिषद पुनर्गठन गर्ने बारे नीतिगत निर्णय गरेको थियो ।
बैठकले मन्त्रिपरिषद पुनर्गठनको लागि ३ वटा विकल्प अगाडि सारेको थियो । जसमध्ये कार्यसम्पादनको मुल्यांकनको आधारमा मन्त्रिहरु हेरफेर गर्नेमा दुई अध्यक्ष सहमत देखिएका थिए ।
वि.सं.२०७७ असोज ६ मंगलवार १५:५८ मा प्रकाशित
