हामी सबैकाे संसारन्यूज

१८ कार्तिक, काठमाडौं। वर्तमान युवा पुस्थाले रुचाएका पप गायक भिटेनलाइ पक्राउ नगर्न उच्च अदालत, पाटनले आदेश दिएको छ ।

मुख्य न्यायाधीश नहकुल सुवेदीको नेत्रित्वको इजलासले गीत, संगीतको विषयमा उनलाई पक्राउ गर्नुपर्ने कारण नदेखिएको भन्दै उनलाई कुनै किसिमको यातना नदिन प्रहरीलाई आदेश दिएको हो । समिर घिसिङ भिटेन लाई धरपकड नगर्न प्रहरी प्रधान कार्यालय र साइबर ब्युरोको नाममा अदालतका उप–रजिस्टार शम्भु रेग्मीले अन्तरिम आदेश जारी गरिएका छन् ।

उनले पारा नामक गीतमा सार्वजनिक गरे सङगै उक्त गीतमा अश्लील शब्द र गालीगलौज प्रयोग गरिएको भनि छानविन गर्न प्रहरी प्रधान कार्यालयले साइबर ब्युरोलाई पत्राचार गरेको थियो । उनले आफुले सार्वजनिक गरेको गित युट्युबको ट्रेडिङ नं. १ मा रहे पनि हटाएका थिए ।