Sansar News
अँध्यारोमा शव्दहरु छामेर लेख्दै छु ।
तिमी नै भन म खै कवि हूँ कि के हूँ !??
गरिबिले मलाई छोएको पनि धेरै छैन
धनी छु भनौं भने साथ एक पैसा छैन ।
धन जे होस् आखिर शव्द माला म उनूँ ।
तिमी नै भन म खै कवि हूँ कि के हूँ !??
सोलारको बिजुली उज्यालो नै नदिने
अँध्यारो यो झोपडीमा शब्द रोइरहने ।
खै यस्ता कथा ब्यथा म कति किन कहूँ ?
तिमी नै भन म खै कवि हूँ कि के हूँ ??
वरपर समाजले कवि भन्या छैन
लेख्न त सरसर् लेखेँ लेख्दा कन्या छैन ।
केही छन्दे अनि केही बेछन्दे नि म हूँ ।
तिमी नै भन खै म कवि हूँ कि के हूँ ??
वि.सं.२०७७ कात्तिक २२ शनिवार ०८:२८ मा प्रकाशित
