हामी सबैकाे संसारन्यूज

बोल्नत देशप्रेमकै भाषामा
राम्रै मिठै बोलिरहन्छ सरकार
तर बाहिर अमृतको लोगो देखाइ
शिशिभित्र विष घोलिरहन्छ सरकार

बुझ्नुस यो फट्याइ र बेइमानिको राज्य हो हजुर
इमान्दार बन्न नखोज्नु आफ्नै मन पोलिरहन्छ
यहाँ यस्तै छ बाहिर अमृतको लोगो देखाइ
शिशिभित्र विष घोलिरहन्छ सरकार

कुर्सिमा बस्दै पदको मालामा लडाइँ
एकपछि अर्को उस्तै आइरहने
के गर्नु गर्न त एउटा देशभक्तको मन जलिरहन्छ
बुझेर के गर्नु,
बाहिर अमृतको लोगो देखाइ
शिशिभित्र विष घोलिरहन्छ सरकार
इमान्दार भद्र बनि जति नै सदविचार खन्याए पनि
मूल्य छैन यहाँ बरु आफ्नै मन पोलिरहन्छ
हेर्नुस् न हजुर
बाहिर अमृतको लोगो देखाइ
शिशिभित्र विष घोलिरहन्छ सरकार

पद र कुर्सि मात्र झम्टिरहने महोदय हरुलाइ के थाहा
यहाँ दुखि जनताले बारबार दुखेसो खोलिरहन्छ
तर सोच्नुस् त हजुर
बाहिर अमृतको लोगो देखाइ
शिशिभित्र विष घोलिरहन्छ सरकार

खोक्रा भाषणमा सारा जनताहरु भुलाइ भुलाइ
आफ्नै हातमा मात्र बारबार घ्यूँ दलिरहन्छ
बुझ्नुस् त महोदय,
बाहिर अमृतको लोगो देखाइ
शिशिभित्र विष घोलिरहन्छ सरकार

तेरो मेरो तानातानमै ठिक्क के चाला हो
बोटको हेरचाह भएपो फल फलिरहन्छ
बुझ्नै गार्हो हजुर,
बाहिर अमृतको लोगो देखाइ
शिशिभित्र विष घोलिरहन्छ सरकार

एउटा सचेत छोरा जन्माइदेउ नेपाल आमा
होइन भने मेरो देश कर्कलो झैँ गलिरहन्छ
बोल्नत देशप्रेमकै भाषामा र।म्रै मिठै बोलिरहन्छ
बाहिर अमृतको लोगो देखाइ
शिशिभित्र विष घोलिरहन्छ सरकार ।।।