हामी सबैकाे संसारन्यूज

१५ मंसिर, काठमाडौं। कोरोना भाइरसका कारण विदेशी नागरिकलाई प्रवेश निषेध गरिएपछि अष्ट्रेलियामा अध्ययनका लागि विदेशी विद्यार्थी जाने गरेकोमा सो क्रम पनि रोकिएको छ।

अष्ट्रेलिया विदेशी विद्यार्थीहरु अध्ययनका लागि जान नपाएउदा अरबौँ डलर बराबरको ठूलो धनराशी कमाउनबाट बन्चित हुदै आएको थियो । अष्ट्रेलियाको उत्तरी शहर डार्विनमा त्यहाँको विश्वविद्यालयले आफ्ना विदेशी विद्यार्थीलाई जहाज चार्टर गरेर लगेको छ। यस कार्यलाई सो विश्वविद्यालयले परीक्षणको रुपमा अथवा आफ्ना विदेशी विद्यार्थीलाई ल्याउने शुरुवातको रुपमा लिएकाे बताइएको छ ।

सो विश्वविद्यालयले चार्टर जहाज मार्फत आफ्ना ६३ जना विद्यार्थी लगेको थियो । चीन, जापान, भियतनाम, इन्डोनेसिया र हङकङबाट विद्यार्थी लगिएको थियो । ती देशका विद्यार्थीहरु सो चार्टर विमान चढ्नका लागि सिंगापुर पुगेका थिए । अष्ट्रेलिया पुगेका विद्यार्थीहरु १४ दिनसम्म क्वारेन्टाइनमा राखिने बताइएको छ ।

अष्ट्रेलियाले विदेशी उडानहरुलाई अहिले पनि अनुमति दिएको छैन । त्यसैले सो विश्वविद्यालयले विमान चार्टर गरेर आफ्ना विद्यार्थी लगेको थियो । विश्वविद्यालयहरुले देशमा उडान प्रतिबन्ध लगाइएकोले विदेशी विद्यार्थी आउन नपाउदा समस्यामा परेकोले चार्टर उडान मार्फत विद्यार्थी लगेको हो । रासस÷एएफपी