हामी सबैकाे संसारन्यूज

काठमाडौं । प्रमुख प्रतिपक्षी दल नेपाली कांग्रेसले सरकारविरुद्व आगामी मंसिर २९ मा देशव्यापी प्रदर्शन गर्ने भएको छ । शुक्रबार पार्टी सभापति शेरबहादुर देउवा निवास बुढानिलकण्ठमा बसेको पदाधिकारीहरुको बैठकले प्रदर्शन गर्ने निर्णय गरेको हो ।

कांग्रेसका एक नेताले जनाएअनुसार वरिष्ठ नेता रामचन्द्र पौडेलमाथि भएको दुव्र्यवहार, कोरोना नियन्त्रण तथा रोकथामका नाममा भएको भ्रष्टाचारलगायतका मुद्दामा प्रदर्शन गर्ने निर्णय भएको हो ।

जनाइएअनुसार प्रदर्शनको नेतृत्व केन्द्रीय नेताहरुबाट हुनेछ ।

बुधबार पुल उद्घाटनको लागि तनहुँ गएका वरिष्ठ नेता रामचन्द्र पौडेलमाथि निषेधाज्ञा उल्लंघन गरेको आरोपमा प्रहरीले पक्राउ गरेको थियो । उनलाई तीन घण्टा हिरासतमा लिएर छाडिएको थियो ।