हामी सबैकाे संसारन्यूज

६ पुस, काठमाडौं । नेपाली कांग्रेसका नेता धनराज गुरुङले प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीको मध्यावधि चुनावको जालमा नलोभिन आग्रह गरेका छन् ।

नेता गुरुङले संविधान विपरीत ओली र राष्ट्रपति विद्यादेवी भण्डारीले चलाएको मध्यावधि चुनावको आहारामा नलोभिन आग्रह गर्दै अहिले उम्मेदवार बन्ने रहर भन्दा अधिनायकवाद विरुद्ध लड्ने बेला आएको बताएका छन् ।

सामाजिक संजालमा लेख्दै नेता गुरुङले भनेका छन् ‘संबिधान बिपरित प्र.म.ओली र रा.प.भण्डारीले चलाएको मध्यावधि चुनावको बल्छीको आहारामा कोही नलोभिऔं । बल्छीको आहारामा लोभिएर असंवैधानिक कदम चाल्नेको पछि लाग्दा लोकतन्त्र नै गुम्ने अबस्था आउन सक्छ । अहिले उमेदवार बन्ने रहर भन्दा अधिनायकवाद बिरुद्ध लड्ने बेला हो । जय नेपाल!’