हामी सबैकाे संसारन्यूज

६ पुस, काठमाडौं । प्रधानमन्त्री केपी शर्मा ओलीले जनादेशको भावना विपरित सरकारमाथि असहयोग र घेराबन्दी गरिएपछि संसद विघटन गरिएको बताएका छन् । देशबासीका नाममा सम्बोधन गर्दै उनले राष्ट्रिय राजनीतिलाई अन्त्यहिन विवादमा धकेल्दै जननिर्वाचितक सरकारलाई घेराबन्दीमा गरिएपछि विघटन गरेको बताए ।

उनका अनुसार संसद विघटन बाध्यात्मक अवस्थामा गरिएको हो । ‘निर्धारित समयभन्दा डेढ वर्ष अगावै ताजा जनादेश जानुपर्ला भन्ने अनुमान हामी कसैलाई पनि थिएन, २०७४ साल मंसिरमा सम्पन्न आम निर्वाचनको जनादेश राजनीतिक स्थायीत्वको पक्षमा थियो’, देशबासीका नाममा सम्बोधन गर्दै प्रधानमन्त्री ओलीले भने, ‘तर, जनादेश र जनभावना विपरित राष्ट्रिय राजनीतिलाई अन्त्यहिन एवं अर्थहिन विवादमा अल्झाएर गतिरोध सिर्जना गरिएपछि संसदलाई अर्थहिन तुल्याइएपछि र जननिर्वाचित सरकारलाई असहयोग र विरोध र घेराबन्दीमा पुर्याइएपछि मेरा सामु सार्वभौम जनतासामु जानुको विकल्प रहेन ।’