हामी सबैकाे संसारन्यूज

दिभरि घाममा डढ्दै पानी राख्ने जरा ।
सोच्थेँ मैले जिन्दगानी होला हराभरा ।।
स्वास्नी पाल्न छोराछोरी पढाउनलाई भनी ।
तिम्लाई जस्तै मीठो खाने रहर मलाई पनि ।।
१
धान गहुँ तोरी फापर नछरी उखुले खेत भरेँ ।
आफ्नै मालको मुल्य छैन, केमा गल्ती गरेँ ।।
घाम ,पानी , आधिँबेहेरी, पसिना चुहाउँदै ।
सडक सडक डुलायौ, आज आसुँले रूवाउँदै ।।
२
छोराछोरी गवाँर रै छन्, शरिर मेरो खाली ।
संसदमा हाम्रो निम्ति खाली, बज्यो ताली ।।
धोती कछाड गम्छा मेैले लाएकै छु टाली ।
मीठो मानि खान्छौ चिनी, भकारी छ खाली ।।
३
कृषि प्रधान देश भन्दै, संसदमा गफ छाँट्छौ ।
मुल्य तिर्न सक्दैनौ, नक्कली भन्दै पछि पार्छौ ।।
तिम्ले गर्छौ भ्रष्टाचार करोडौं, हाम्लाई अत्याचार ।
जुटे जुटोस्, फुटेफुटोस् यस्तो, नेतामुखी सरकार ।।
४
तिम्लाई चिनी गुलियो भो ! हाम्लाई नुनिलो आँसु ।
बर्सौँदेखिको साहुको ऋण छ, मरूँ कि म बाँचु ?
बजेटमा किसानलाई अनुदान, करोडौं छुट्टाउँछौ ।
हामी सधैं नाङ्गै भोकै, कस्ले कहाँ गुटमुटाउँछौ ??
५
सडकदेखि सदनसम्म आयौ, हाम्लाई रूवाएर ।
चप्पलदेखि पजेरो चढ्यो, हाम्रै रगत पसिना खाएर ।।
आयात बढ्यो, निर्यात घट्यो , हाम्रो मुल्य छैन ।
फेरि भोट माग्न, हाम्लाई ढोग्न आउने हो कि हैन ??
६