हामी सबैकाे संसारन्यूज

३ जनवरी, २०२१ । हङकङ निबासी कृष्ण प्रसाद पाण्डेलाई नेपाली संस्कृति तथा सद्भावना प्रतिष्ठानले ‘नेपाली संस्कृति तथा सद्भावना राजदूत’ को मानार्थ उपाधिले सम्मानित गरेको छ। अन्तर्राष्ट्रिय नेपाली टोपी दिवसका अवसरमा नेपालको अर्घाखाँची जिल्लामा जन्मिएका कृष्ण प्रसाद पाण्डेलाई उक्त उपाधिले सम्मानित गरेको हो । पाण्डे हङकङमा करिब २२ बर्ष देखि बसोबास गर्दै आएका छन् ।

नेपाली संस्कृति तथा सद्भावना प्रतिष्ठानको तर्फबाट प्रतिष्ठानका अध्यक्ष तथा अन्तर्राष्ट्रिय नेपाली टोपी प्रतिष्ठानका सल्लाहकार एवम् रोमानियाका लागि नेपाली अवैतनिक वाणिज्यदूत नवराज पोखरेलले हार्दिक बधाई तथा शुभकामना दिँदै पाण्डेलाई नेपाली संस्कृति तथा सद्भावना प्रतिष्ठानको सदस्यता प्रदान गरेका हुन् ।

नेपाली संस्कृति तथा सद्भावना प्रतिष्ठानले विभिन्न माध्यमबाट नेपाली संस्कृति तथा परम्परागत विश्वासहरुलाई विश्व सामु प्रस्तुत गर्दै आआफ्नो क्षेत्रबाट विशेष योगदान दिँदै आएका विदेशमा बसोबास गर्ने निम्न लिखित नेपालीहरुलाई ‘नेपाली संस्कृति तथा सद्भावना राजदूत’ को मानार्थ उपाधिले सम्मान गरिसकेको छ ।

यसरी सम्मानित हुनेहरु यसप्रकार छन् : दिनेश बाला श्रेष्ठ (ईटली), दीपक न्यौपाने(बेल्जियम), निर्मल अर्याल (फ्रान्स), बसन्त रानाभाट (स्पेन), बिजय थापा (अमेरिका), पुरू जोशी (दक्षिण कोरिया), जीवन प्रसाई (स्पेन), डा. एलिनी पोखरेल सुबेदी (पोल्याण्ड), योगिता थापा (बेल्जियम), लक्ष्मी लामा गुरुङ(दक्षिण कोरिया), मदन दवाडी (बेल्जियम), डा. मनमूर्ति भुर्तेल (रसिया), राजन काफ्ले(आयरल्याण्ड), मिलन घिमिरे (थाईलैण्ड), विष्णुमाया विभू(नर्वे) र सागर घिमिरे(म्यानमार) ।