Sansar News
२२ पौष, काठमाडौं । सिंगटी हाइड्रो इनर्जी कम्पनी लिमिटेडले साधारण शेयर (आईपीओ) निष्काशनको अनुमति पाएको छ ।
नेपाल धितोपत्र बोर्ड (सेबोन) बाट कम्पनीले प्राथमिक शेयर निष्काशन गर्ने अनुमति पाएको हो । बोर्डले पुस २१ गते मंगलबार कम्पनिलाई आइपिओ निष्कासन गर्ने अनुमति दिएको हो ।
कम्पनीले प्रतिकित्ता १०० रुपैयाँ अंकित दरमा ४३ करोड ५० लाख रूपैयाँ बराबरको ४३ लाख ५० हजार कित्ता आईपीओ निष्कासन तथा बिक्री खुल्ला गर्नका लागि २०७६ साल भदौ २० गते सेबोनमा निवेदन पेश गरेको थियो ।
उक्त आईपीओ निष्कासन तथा बिक्री प्रबन्धकमा मेगा क्यापिटल मार्केट लिमिटेडले गर्ने कम्पनीले जनाएको छ ।
वि.सं.२०७७ पुस २२ बुधवार १६:२१ मा प्रकाशित
