हामी सबैकाे संसारन्यूज

(१)
हेर्दै जाऊ तिम्रो घमण्ड एकदिन चकनाचुर हुने छ
दाग लागेपछि देखाउन नमिल्ने कुरुप नूर हुने छ
ए अन्धो शासक यस्तै पारा हो भने भोलिका दिन
तिम्रा महत्वाकांक्षाहरू हजारौं माइल दूर हुने छ ।

(२)

मलाई बिर्सिएर पराइको हात समाउनु प्यारी
मनमा माया भए पनि उतैतिर रमाउनु प्यारी
विगतको क्षण सम्झिएर किन सधैं दुखी हुनु,
भो अबदेखि राम्रोसँग घरजम जमाउनु प्यारी ।

(३)

राम्रो नराम्रो न छुटाएर सुगाले झैं घोक्छन
हुँदै नभएको कुरा हेरौं कति दिन खोक्छन
गनाएर बाटोमा हिड्न पनि गा¥हो हुने भो,
नामर्द भक्तहरूले अझै काँधमाथि बोक्छन् ।

(४)

मान्छे हो कहिलेकाही भूल हुन सक्छ
खोज्दै गए मरुभूमिमा मूल हुन सक्छ
पाएँ भन्दैमा प्वाक्क नबोल्नु महासय,
त्यही वचन मुटु छेड्ने शूल हुन सक्छ ।
(५)

जूनलाई छोएर चित्त बुझ्छ भने छुनु तिमी
रोएर मनमा शान्ति मिल्छ भने रुनु तिमी
सँगै मर्ने सँगै जिउने बाचाबन्धन बिर्सिएर,
अहिले छुटिंदा खुसी हुन्छौं भने हुनु तिमी ।