हामी सबैकाे संसारन्यूज

१.
मिठा भाषणको बाढी,भेल चल्छ यहाँ
अरुलाई खसाल्ने जालझेल चल्छ यहाँ
यस्तो तालले देश उँभो लाग्छ खै कसरी
जव रेल चल्ने बेलामा खेल चल्छ यहाँ ।
२.
यादहरु आउँछन अनि जगाई रहन्छन्
कल्पनामा आई मलाई डगाई रहन्छन्
चोट के हो नजिकबाट सिकाउन होला
बेला बेला दुईचार घाउ लगाई रहन्छन् ।
३.
कहाँसम्म छ बश्त्र,भेषको सिमा कोहि बुझ्दैनन्
महत्व के को छ यो जिन्दगीमा कोहि बुझ्दैनन्
दिनै पिच्छे सडक छेउमा फिजाएर बस्दा पनि
शीरको शोभा टोपीको महिमा कोहि बुझ्दैनन् ।
४.
भव्य शान कहाँ बाट जमाउनु भो हजुर ?
कुन ठाउँको गाडधन समाउनु भो हजुर ?
पैत्रिक जेथा खासै भको हैन भन्छन चिन्ने
महल, सवारी कहाँ बाट कमाउनु भो हजुर ?
५.
बाटो छेक्ने कुरा नगर मरीहाल्छु म
प्रितमा सेक्ने कुरा नगर मरीहाल्छु म
तिमीलाई राख्न छाति नै काफी होला,
मुटुमा टेक्ने कुरा नगर मरीहाल्छु म ।