नेपाल पत्रकार महासंघ भारत शाखाको प्रथम अधिवेशन सम्पन्न भएको छ । ३० जनवरीका दिन भारतको राजधानी दिल्लीस्थित नेपाल आवाज दैनिक पत्रिकाको सभाहलमा सम्पन्न दुई दिने अधिवेशनले यसअघिको तदर्थ समितिलाई पूर्णता दिँदै सर्वसम्मतिमा लोकेश शाहको अध्यक्षतामा ११ सदस्यीय कार्यसमिति चयन गरेको छ ।
कार्यसमितिको उपाध्यक्षमा देवबहादुर कुँवर, महासचिवमा गोबिन्द पोखरेल, सचिवमा ऋषिराम अधिकारी, सहसचिवमा अर्जुन खनाल र कोषाध्यक्षमा धनबहादुर बिक चयन गरिएका छन् । त्यसैगरि सदस्यमा इन्द्रकमल जैरु, देवेन्द्र केसी क्षेत्री, भेषराज पौडेल, खुमबहादुर गुरुङ र पुजा शाह चयन हुनुभएको छ।
भारतका लागि नेपाली राजदुत दिपकुमार उपाध्यायको विशेष आतिथ्यता रहेको सो समारोहमा शाखालाई आधिकारिकता प्रदान गर्न नेपाल पत्रकार महासंघका सचिव धमेन्द्र कर्ण, उपत्यका प्रमुख एवं केन्द्रीय सदस्य इश्वरी वाग्ले र मध्यपश्चिमाञ्चल प्रमुख एवं केन्द्रिय सदस्य झलक गेरैको पनि उपस्थिति रहेको थियो ।
कार्यक्रमलाई सम्बोधन गर्दै राजदुत उपाध्यायले दुई देश बिचको सम्बन्धलाई नयाँ उचाईमा पुर्याउन पत्रकारको भुमिका महत्त्वपुर्ण हुने बताउनु भयो । कार्यक्रममा दिल्लीमा रहेका विभिन्न राजनीतिक दलका प्रतिनिधिमुलक संस्थाका प्रतिनिधिहरुको समेत उपस्थिति रहेको थियो।
नवनिर्वाचिति अध्यष शाहले भारतभरि छरिएर रहेका पत्रकारहरुलाई महासंघमा आवद्ध हुन आह्वान गर्दै श्रमजिवी पत्रकारहरुको कलम देशको स्वाधिनताको रक्षा गर्नका लागि चल्नु पर्नेमा जोड दिनुभएको छ ।
