हामी सबैकाे संसारन्यूज

८ चैत, काठमाडौँ । भारत र इंल्याण्ड बिचको अन्तिम टि-२० मा भारतले ३६ रनले जित निकाल्दैँ श्रृखला आफ्नो नाममा गरेको छ ।

टस हारेर पहिले ब्याटिङ्ग गरेको भारतले २० ओभरमा २ विकेट गुमाएर विशाल २२४ रन बनाएको थियो । भारतका लागि कप्तान विराट कोहलीले सर्वाधिक ८० रन बनाएका थिए । त्यसैगरी ओपनर रोहित शर्माले ६४, सूर्याकुमार यादवले ३२ र हार्दिक पांड्याले ३९ रन बनाएका थिए । इंल्याण्डका लागि बलिङ्गमा आदिल रसिद र बेन स्टोक्सले १ १ विकेट हात पारेका थिए ।

भारतले दिएको २२५ रनको विशाल लक्ष्य पछाएको इंल्याण्डले २० ओभरमा ८ विकेट गुमाएर १८८ रन मात्र बनाउन सक्यो । इंल्याण्डका लागि डविड मलानले सर्वाधिक ६८ रन बनाएका थिए भने जस बटलरले ५२ रन बनाएका थिए । भारतका लागि बलिङ्गमा भने शार्दुल ठाकुरले सर्वाधिक ३ विकेट लिएका थिए ।

जितसँगे भारतले ५ खेलको टि-२० श्रृखलामा ३-२ ले आफ्नो नाममा गरेको छ ।

त्यसैगरी यो अन्तिम टि-२० भारतका कप्तान विराट कोहलीले नयाँ किर्तिमान आफ्नो नाममा बनाएका छन । उनले अष्ट्रेलियाका कप्तान एरण फिंचलाई पछि पार्दै कप्तानका रुपमा टि-२० अन्तराष्ट्रिय क्रिकेटमा सर्वाधिक रन बनाउने खेलाडी बनेका हुन । विराट कोहलीले ४५ टि-२० खेलमा कप्तानी गरेका छन जसमा उनले १५०२ रन बनाएका छन । दोस्रो स्थानमा रहेको एरण फिंचले ४४ खेलबाट १४६२ रन बनाएका छन ।