हामी सबैकाे संसारन्यूज

१२ चैत्र, काठमाडौं । धेरै जसो मानिसहरूलाई छिटो–छिटो पिसाब लाग्ने गर्छ, जसको कारण उनिहरुलाई थाहा हुँदैन । साधारणतया बढी पानी, चिया–कफि पिउनाले धेरै पिसाब लाग्ने गर्दछ, तर केही व्यक्तिहरुमा यो एउटा गम्भिर समस्या पनि हुनसक्छ ।

प्रायः मानिसहरू शरीरका स-साना समस्यालाई बेवास्ता गर्छन् । दिनमा पाँच सात चोटिसम्म पिसाब आएको ठीकै हो किनकि यसबाट मिर्गौला स्वस्थ रहेको जानकारी पाइन्छ तर १०–१५ चोटि आयो भने चाहिँ खतरनाक पनि हुन सक्छ ।

पिसाब छिटो–छिटो आउनु भनेको मधुमेहको पनि लक्षण हुन सक्छ । तपाईंलाई पनि यो समस्या छ भने चिकित्सक कहाँ गएर जँचाइ हाल्नुस् । तर यसका साथसाथै केही घरेलु उपाय अपनाउने हो भने पनि यस्ता समस्याबाट मुक्ति पाउन सकिन्छ

अनार
अनारको बोक्रालाई पिँधेर त्यसमा पाँच ग्राम पानी मिसाएर पेस्ट बनाएर दिनदिनै त्यो खानुभयो भने घरीघरी पिसाब लाग्दैन ।

दही
दहीमा प्रोबायोटिक ब्याक्टेरिया हुन्छ जसले शरीरमा कीटाणु बढ्न दिँदैन । दिनदिनै दही खाने गरेमा पनि घरीघरी पिसाब आउँदैन ।

तिल
कैलो तिलको दानासँग सक्खर वा ज्वानो खानुभयो भने पनि पिसाबको समस्याबाट मुक्ति पाइन्छ ।

मह र तुलसी
एक चम्चा महका साथ तीनचारवटा तुलसीका पात मिसाएर खाली पेटमा खानुभयो भने समस्या समाधान हुन्छ।

मेथी
मेथीको धूलोमा सुक्खा अदुवा र मह मिसाएर पानीसँग दिनमा दुईचोटि पिउनुभयो भने पनि लाभ पाउनुहुन्छ ।
यस्ता उपाय अपनाउनु भयो भने छिटो छिटो पिसाब आउनबाट बच्न सकिन्छ ।

कुलथी
अलिकति कुलथीलाई सक्खरसँग बिहानबिहानै खानुभयो भने पनि मूत्र समस्याबाट मुक्त हुनुहुनेछ।