हामी सबैकाे संसारन्यूज

१७ चैत, काठमाडौं । स्वास्थ्य तथा जनसंख्या मन्त्रालयले छिमेकी मुलुकका नाकाबाट नेपाल प्रवेश गरेकालाई लक्षण नभएपनि अनिवार्यरुपमा आइसोलेसन सेन्टरमा राख्न सबै स्थानीय सकारलाई अनुरोध गरेको छ ।

छिमेकी मुलुक भारतमा कोरोना संक्रमण तिब्ररुपमा बढ्दै गएको अवस्थामा नाकामा हेल्थ डेस्क राखेर परीक्षण गरिएको र कोरोना संक्रमण देखिएकाहरु पनि सार्वजनिक बसबाट यात्रा गरिरहेको खबर आएको भन्दै लक्षण देखिएकालाई अस्पताल र लक्षण नदेखिएकालाई १० दिन अनिवार्य आइसोलेसनमा राख्न भन्दै सातै प्रदेशका सकारलाई मन्त्रालयले अनुरोध गरेको हो ।

मन्त्रालयले सो बापतको विरामीको उपचारका लागि प्रतिदिन २ हजार सोधभर्ना मन्त्रालयबाट उपलब्ध गराइने पनि जनाएको छ ।