Sansar News
२३ चैत, काठमाडौं । पछिल्लो २४ घण्टामा देशैभरी गरिएको ४हजार ५३६ नमुना परीक्षणमा २६४ जनामा कोरोना संक्रमण पुष्टि भएको छ ।
आज सबैभन्दा बढी काठमाडौंमा ९८, चितवनमा ३७, ललितपुरमा २६, भक्तपुरमा १३, कास्कीमा १९, बाँकेमा ८ रुपन्देहीमा ७ जना संक्रमित थपिएका छन् ।
आज थपिएका २६६ जनासँगै नेपालमा कोरोना संक्रमितको कूलसंख्या २ लाख ७८ हजार २१० पुगेको छ ।
त्यसैगरी आज देशैभरी १०२ जना कोरोना संक्रमणबाट मुक्त भएका छन् । आज निको भएका १०२ जनासँगै नेपालमा कोरोना संक्रमणबाट मुक्त हुनेको कूलसंख्या २ लाख ७३ हजार ३४२ पुगेको छ । निको हुनेको यो दर ९८.३ प्रतिशत हो ।
त्यस्तै पछिल्लो २४ घण्टामा संक्रमणबाट ४ जनाको निधन भएको छ । स्वास्थ्य तथा जनसंख्या मन्त्रालयका अनुसार आज थपिएका ४ जनासँगै नेपालमा हालसम्म कोरोना संक्रमणबाट ज्यान गुमाउनेको संख्या ३ हजार ३६ रहेको छ ।
त्यस्तै देशैभरी सक्रिय संक्रमितको संख्या १८३२ रहेको छ भने क्वारेन्टिनमा रहनेको संख्या ६४ रहेको छ ।
त्यसैगरी हालसम्म पिसीआर प्रविधिबाट २२ लाख ८९ हजार ८२४ कोरोनाका नमुना परीक्षण गरिएको छ ।
जेठ–असार सम्म कोरोना संक्रमण उच्च विन्दुमा पुग्न सक्छ-स्वास्थ्यमन्त्री त्रिपाठी
वि.सं.२०७७ चैत २३ सोमवार १६:३२ मा प्रकाशित
