हामी सबैकाे संसारन्यूज

२७ चैत्र, काठमाडौं । #Federation_of_Nepalese_journalist: नेपाल पत्रकार महासंघ उपत्यका प्रदेशको अध्यक्षमा श्रीजन झा र महासचिवमा टेकबहादुर रोका (टेनिस) निर्वाचित भएका छन् ।

गत २५ चैतमा सम्पन्न निर्वाचनको मतपरिणाम अनुसार झाले ११ सय ६५ मत ल्याएर विजयी बने भने उनका प्रतिद्धन्दी रामचन्द्र खड्काले ५०७ मत प्राप्त गरे ।

उपत्यका समितिको खुला उपाध्यक्षमा विरबहादुर लामाले ९१५ मत ल्याएर विजयी बने भने उनका प्रतिद्धन्दी विनोद प्रसाद चौलागाईले ६४४ मत प्राप्त गरे । महिला उपाध्यक्ष रोजिना थापा भने निर्विरोध निर्वाचित बनिन् ।

महासचिव पदमा १ हजार ५ मत प्राप्त गर्दै टेकबहादुर रोका (टेनिस) निर्वाचित भए भने उनका प्रतिद्धन्दी सविन शर्माले ५ सय ६९ मत प्राप्त गरे ।

खुल्ला सचिवमा रोशनराज पाण्डेले ८ सय ६९ मत ल्याएर विजयी बन्दा उनका निकटम प्रतिद्धन्दी केदार भट्टराईले ४५४ मत र कालिका बहादुर महतले २२३ मत प्राप्त गरे ।

यसैगरी, समावेशी सचिवमा अमर भुजुले ९ सय ४७ मत ल्याएर विजयी बने भने उनका प्रतिद्धन्दी रञ्जित तामाङले ६०४ मत प्राप्त गरे ।

कोषाध्यक्षमा भने १ हजार ८९ मत ल्याएर अर्जुन पन्त विजयी बने भने जयराम बास्तोलाले ४४२ मत प्राप्त गरे ।
कार्यसमिति सदस्यमा प्रविण श्रेष्ठ, घनश्याम अधिकारी (बैरागी जेठा), माधव प्रसाद घिमिरे, विष्णु कुमार गिरी (विष्णु निश्चल), विधुर ढकाल, रमा कुमारी न्यौपाने, नेत्र प्रसाद न्यौपाने, दिया चन्द, लक्ष्मी गारु, सुशिल दर्नाल, अर्जुन बहादुर तामाङ, रत्नकृष्ण श्रेष्ठ, विनयकुमार महतो, अनिलकुमार गुप्ता निर्वाचित भए ।