Sansar News
३० चैत, काठमाडौं । नेकपा (माओवादी केन्द्र) ले प्रदेश २ का चार सांसदलाई बर्खास्त गरेको छ ।
एमालेमा लागेको भन्दै केन्द्रले प्रदेशसभा सांसद रामचन्द्र मण्डल, ज्वाला साह, कुन्दनप्रसाद कुशवाहा र मोहम्मद समीरलाई बर्खास्त गरेको पत्र प्रदेश सभालाई बुझाएको हो ।
एमालेको केपी ओली समूहमा लागेका उनीहरुलाई २४ घण्टे स्पष्टीकरण सोधेपनि नदिएपछि कारबाहीको प्रक्रिया अघि बढाईएको माओवादी केन्द्र स्रोतले जनाएको छ ।
‘संसदीय दलको बैठक बसेर साथीहरुले निर्णय गर्नुभएको थियो त्यहि अनुसार कारबाहीको प्रक्रिया अघि बढाउनु भएको हो । ’ स्रोतले भन्यो ।
प्रदेशसभामा नेकपा माओवादी केन्द्रका तर्फबाट ११ जना सांसद रहेका छन् । ती मध्ये ४ जनालाई कारबाही गरिएपछि ७ जना सांसदमात्रै रहेका छन् ।
वि.सं.२०७७ चैत ३० सोमवार १०:३६ मा प्रकाशित
