Sansar News
३० चैत्र, काठमाडौं । कुमारी बैंक लिमिटेडले तिनकुने, शान्तिनगरस्थित तरकारी तथा फलफूल बजार, पशुपति एग्रो मार्टमा मोबाइल फोनबाट सहज र सुरक्षित क्युआर कोड भुक्तानी सेवा सञ्चालनमा ल्याएको छ ।
कुमारी बैंकका संचालक समितिका अध्यक्ष अमिर प्रताप ज।ब। राणाको सभापतित्व तथा पशुपति एग्रो मार्टका अध्यक्ष राजु कुमार खत्री ज्यूको प्रमुख आतिथ्यमा, बैंकका प्रमुख कार्यकारी अधिकृत सुरेन्द्र भण्डारी लगायत आमन्त्रित अतिथिको उपस्थितिमा सो क्यू आर स्ट्याण्ड तरकारी व्यवसायीहरुलाई हस्तान्तरण गरेको हो ।
बैंकका अनुसार नगद कारोबारकोे विकल्पमा यो सेवा प्रयोग गरेर डिजिटल प्रविधिलाई प्रवर्धन गर्न मद्दत पुर्याएको बताएको छ।
हालसम्म बैंकले आफ्ना देशव्यापी १९३ शाखा सञ्जाल, १६५ एटिएम, २५ शाखारहित बैंकिङ्ग ईकाई तथा १३ एक्सटेनसन काउन्टरबाट अत्याधुनिक बैंकिङ्ग सुविधाहरु दिँदै आइरहेको छ ।
वि.सं.२०७७ चैत ३० सोमवार १७:११ मा प्रकाशित
