हामी सबैकाे संसारन्यूज

३० चैत, काठमाडौं । नेकपा एमालेका अध्यक्ष एवम प्रधानमन्त्री केपी शर्मा ओलीले आत्मालोचना सहित पार्टीमा काम गर्नका लागि आउन पार्टीका नेता माधवकुमार नेपाललाई आग्रह गरेका छन् । उनले काम गर्न पार्टीमा स्थान भएपनि गुट बनाएर पार्टीलाई ध्वस्त बनाउन खोजे ठीक पार्ने चेतावनी दिए ।

उनले अझैपनि पार्टीबाट निष्कासन गरि नसकेकाले काम गर्नेको लागि पार्टीमा स्थान रहेको बताए ।  नेपाल उत्पीडित जातीय मुक्ति समाजको राष्ट्रिय भेलामा बोल्दै उनले भने, ‘अहिले पनि पार्टीबाट निष्कासन गरेका छैनौं । आत्मालोचना गरेर फर्किनुस्, पार्टीमा विना भेदभाव काम गर्न दिन्छौं ।’ तर पार्टीमा फर्कनुअगि नेपालले आत्माआलोचना गर्नपर्ने उनको भनाई थियो, ‘माधव नेपालजी आएर काम गर्नुहुन्छ भने अहिलेसम्म गरेका अपराधपूर्ण कामको आत्मालोचना गर्नुस् ।’

उनले केही समुह पार्टीको हित विपरीत काम गर्दै हिडेकोले आफुले त्यस्ता कार्यको लेखाजोखा गरि रहेको पनि बताए । उनले एमालेमा गुटबन्दी स्वाबिकार नहुने काम गर्नेका लागिमात्र स्थान रहने भन्दै पार्टी हित बिपरीत काम गर्नेलाई ठिक पार्ने बताए ।