हामी सबैकाे संसारन्यूज

३० चैत, काठमाडौं । गण्डकी प्रदेशमा २ जना कोरोना संक्रमितको निधन भएको छ ।

गण्डकी प्रदेशको स्वास्थ्य निर्देशनालयका अनुसार आज निधन हुनेमा तनहुँको शुक्ला गण्डकी नगरपालिकाका ५१ वर्षीय कोरोना संक्रमित पुरुषको निधन भएको हो ।

चैत २३ गते कोरोना संक्रमण भइ चरक मेमोरियल अस्पताल, पोखरामा उपचारका गराइरहेका उनको चैत २९ गते उपचारका क्रममा निधन भएको हो ।

त्यसैगरी पोखरा महानगरपालिकाका ७८ वर्षीय पुरुषको पनि मृत्यु भएको छ । चैत २० गते कोरोना संक्रमण भइ चरक मेमोरियल अस्पतालमा उपचार गराइरहेका उनको सोमबार निधन भएको प्रदेश निर्देशनालयले जनाएको छ ।

आज थपिएका २ जनासँगै प्रदेशमा संक्रमणबाट ज्यान गुमाउनेको संख्या २०७ पुगेको छ ।  प्रदेशमा हालसम्म १६ हजार ९३३ जनामा कोरोना संक्रमण पुष्टि भएको छ ।