हामी सबैकाे संसारन्यूज

३१ चैत, काठमाडौं । अमेरिकामा पुन : प्रहरीबाट एक अश्वेत युवकको हत्या गरिएको छ । उनी ट्राफिक नियम उल्लंघन गरेको आरोपमा भएको झडपमा मारिएका हुन् । उनको हत्या भएपछि हाल अमेरिकाको दुई सहरमा रात्रिकालीन कर्फ्यु लगाइएको छ ।

उनको हत्या पछि हाल मिनियापलिस र सेन्ट पलमामा उत्पन्न तनावका कारण कर्फ्यु लगाइएको छ । गत आइतबार मिनसोटाको ब्रुकलिन सेन्टरमा २० वर्षीय युवक दन्ते राइटलाई प्रहरीले ट्राफिक नियम उल्लंघनको आरोपमा कारबाट बाहिर निकालेर हतकडी लगाउन खोजेको थियो । त्यसक्रममा घम्साघम्सी हुँदा प्रहरीको गोली लागेर ती युवकको मृत्यु भएको थियो ।

यसअघि पनि अमेरीकामा  अश्वेयत नागरिक जर्ज फ्लोयडको हत्या हुदा अमेरिका लगाएत विश्वका अन्य स्थानमा पनि विराेध प्रदर्शन भएको थियो । हाल स्थिति नियन्त्रणमा लिन मिनियापलिस र सेन्ट पल शहरका मेयरहरुले आपतकाल घोषणा गर्दै रातिको समयमा कर्फ्यु जारी गरेका छन् । उता प्रहरीले भने आफूहरुबाट गल्ती भएको स्वविकार गरि सकेका छन् ।