Sansar News
१ बैशाख, काठमाडौं । भारतको उत्तर प्रदेशका मुख्यमन्त्री कोरोना विरुद्धको खोप लगाएको ९ दिनमा कोरोना संक्रमित भएका छन् ।
उनले आफुमा कोरोना संक्रमण भएको सोसियल मिडियामार्फत् जानकारी दिएका छन् ।
मुख्यमन्त्री योगीले आफुमा कोरोना संक्रमण भएको बताउँदै यतिबेला सेल्फ आइसोलेशनमा बसेर चिकित्शकको परामर्श लिएको बताउँदै आफ्ना सबै कामहरु भर्चुअल माध्यमबाट गरेको समेत बताएका छन् ।
अफिसमा केही कर्मचारीमा कोरोना संक्रमण देखिएपछि आइसोलेटेड भएर बसेका मुख्यमन्त्री योगीले परीक्षण गराउँदा कोरोना संक्रमण देखिएको थियो । उनले ९ दिनअघिमात्र कोरोनाको पहिलो चरणको खोप लगाइएको बताइएको छ ।
उत्तर प्रदेशमा हालसम्म ७ लाख २३ हजार कोरोना संक्रमित भएका छन् । ती मध्ये ६ लाख १८ हजार निको भइसकेका छन् ।
उत्तर प्रदेशमा मंगलबारमात्रै १७ हजार ९६३ जनामा कोरोना संक्रमण देखिएको थियो ।
साथै ८५ जनाको निधन भएको थियो । त्यहाँ हालसम्म ९ हजार ३०९ जना संक्रमितको निधन भइसकेको छ । उत्तर प्रदेशमा हाल ९५ हजार ९८० जना सक्रिय संक्रमितको अस्पतालमा उपचार भइरहेको छ ।
वि.सं.२०७८ वैशाख १ बुधवार १४:५९ मा प्रकाशित
