हामी सबैकाे संसारन्यूज

१.
पिरतीले पागल झैँ भाछु नखरा नसम्झनु
सहन्छु जे नि तिम्रा लागि बिचरा नसम्झनु
के गर्नु र नारी,पुरुषको त जातै यस्तो रहेछ,
पछि पछि त लागी हाल्छु भमरा नसम्झनु ।
२.
गर्दिन भन्दा नि जानी नजानी भईहाल्दो रैछ
कहिले आगो त कहिले पानी भईहाल्दो रैछ
कसलाई रहर छैन र यहाँ बाँचिरहुँ म सँधैभरि
नमान्दा नमान्दै शरिर खरानी भईहाल्दो रैछ ।
३.
किन हो तिम्रो तस्विर बोले जस्तो लाग्छ
नदेखेमा तिम्लाई भित्र पोले जस्तो लाग्छ
तिमी हिड्ने बाटा भरी आँखा छरीई बस्छन,
जून बाटामा तिम्रो प्रीत घोले जस्तो लाग्छ ।
४.
भेटिन लाई सजिलो छ छोड्न लाई गाह्रो छ
लक्ष्य तोकीएको यात्रा मोड्न लाई गाह्रो छ
सबैलाई दुख्छ उस्तै बुझ्नु उपेक्षा गर्नु अघि
टुक्रीसके पछि यो मन जोड्न लाई गाह्रो छ ।
५.
आउँछ टप्प टिपी लान्छ चिन्ता लागेर के गर्नु
काल आएको थाहै पाईदैन लुकी भागेर के गर्नु
जतिन्जेल बाँचिन्छ छर्नु बरु शुवास यत्र तत्र
सुन्ने भए पो निर्दयी त्यो याचना मागेर के गर्नु ?