Sansar News
म वर
तिमी पर
तिमी वर
म पर
यसर्थ, तिमी र म
वर र पर
तिमी र म बिच पर्खाल छ
त्यो पर्खाल शक्तिशाली छ
मन लाग्छ
पर्खाल भत्काऊँ
तिमीलाई अपनाउँ
शायद, तिमीलाई पनि
त्यस्तै हुँदो हो,
पर्खाल नाघौं
अनि
मलाई अपनाउँ
तर
पर्खाल नाघ्दा
पर्खाल भत्काउँदा
कि मलाई
कि तिमीलाई
मर्न बाध्य पार्न सक्छन्
वा
तिमी र म दुबैलाई
मार्न सक्छन्
त्यसैले
त्यो पर्खालको नाउँमा
आउ तिमी र म
प्रेमको आहुती दिउँ
यो जुनीमा तिमी र म
छुटिएर जिउँ
अर्को जुनीमा
तिमी र म भएर
जातीय पर्खाल तोडौंला
बिभेदको पर्खाल फोडौंला
अनि
भरपुर माया गरौंला ।
वि.सं.२०७८ वैशाख ११ शनिवार ०६:१८ मा प्रकाशित
