हामी सबैकाे संसारन्यूज

वैशाख १९, काठमाडौं । लुम्बिनी प्रदेश सभाका विपक्षी दलहरुले नेकपा (एमाले)सँग एकल बहुमत नभएको भन्दै शंकर पोखरेललाई मुख्यमन्त्री नबनाउन प्रदेश प्रमुखसँग माग गरेका छन् । नेपाली कांग्रेस, माओवादी केन्द्र, जसपालगायतका दलका ४० सांसदले हस्ताक्षरसहित पोखरेललाई मुख्यमन्त्री नबनाउन माग गरेका हुन् ।

तत्कालिन नेपाल कम्युनिष्ट पार्टी (नेकपा)बाट निर्वाचित प्रदेश सभा सदस्य विमला वलीले आफुँ माओवादी केन्द्रमा रहेको बताएसँगै नेकपा (एमाले)ले प्रदेशसभामा एकल बहुमत गुमाएको हो । वलीले आफुँ माओवादी केन्द्रमा भएको बताएसँगै ८१ सदस्यीय प्रदेशसभामा एमालेसँग ४० सांसद मात्रै देखिएको छ । योसँगै एमाले एकल बहुमत बिहिन बनेको छ ।

प्रदेशसभामा कांग्रेस र माओवादी गठबन्धनसँग सभामुखसहित ४१ सांसद देखिएका छन् । बहुमत पुर्याउन ४१ सांसदको आवश्यक पर्दछ ।

सम्बन्धित समाचार

लुम्बिनी प्रदेशका मुख्यमन्त्री शंकर पोख्रेलद्वारा राजिनामा

एमाले संसदीय दलको निर्णय : शंकर पोखरेलकै नेतृत्वमा बहुमतको सरकार

शंकर पोखरेलको राजनीति : जसपाका चार नेता न सांसद रहे न मन्त्री

https://sansarnews.com/271955/