हामी सबैकाे संसारन्यूज

बिर्सेर पिर, संतानको सुखमा रमाउँछिन्,
आफू रोएर पनि संसारलाई हसाउँछिन् ।
आमा हुन माया र ममता कि मुल मुहान,
आमानै जननी आमानै साक्षात भगवान् ।।

पिलाई आफ्नै दूध संतानलाई हुर्काउँछिन्,
हात समातिकन क, ख लेख्न सिकाउँछिन् ।
संतानलाई खुवाउँछिन् आफै भोकै बसेर,
दिनरात सेवा सुसार गर्छिन हातपाउ धसेर ।।

हुन्न मनमा अलिक यिनको छल र स्वार्थ,
आमा नै संसार हो आमा बिना सबै व्यर्थ ।
गरौं सेवा र सुसार छरौं मुहारमा मुश्कान,
आमानै दिव्य चक्षु आमानै सुनौलो बिहान ।।

आमा बिनाको घर हुन्छ सर्वदा सुन्य सुन्य,
जो संग आमा हुन्छिन् उसैको भाग्य धन्य ।
गर्छु हे ! जननी दुबै कर जोडि नित्य बन्दना,
अब कस्ले सुन्छ आमा अन्तर्मनको क्रन्दना ।।