हामी सबैकाे संसारन्यूज

मलाई अक्सिजनको खाचो छ
मलाई अक्सिजन उपलब्ध गराउँ सरकार

सुन्छु फेरि चुनाव हुँदै छ
मलाई बचाउँ सरकार
म बाँच्न चाहन्छु
थाहा छ नि
म बाँचे भने मेरो भोट काम लाग्छ
भो मलाई चाहिदैन मासुभात
चाहिदैन बियर
मलाई गाडीमा लिन आउनु पनि पर्दैन
म आफै आफ्नो भाडा तिरेर आउछु भोट हाल्न
हिंडेर पनि आउछु म दसौं किलोमीटर
तर यति बेला
म मृत्यु सँग लडिरहेछु
मलाई बचाउँ सरकार

मलाई सहनै नसक्ने पीडा भएको छ
मलाई उकुसमुकुस भइरहेको छ
मलाई श्वास फेर्न गाह्रो भइरहेको छ
मेरो अवस्था देखेर
डाक्टरको मुहार मलिन छ
नर्सको आँखा रसाएको छ
मेरो सरकारलाई
केहि थाहा छैन
थाहा होस पनि कसरी
आज उनको फेरि सपथग्रहण छ
उनलाई बधाई लिन भ्याइनभ्याइ छ
उफ………………….!
अझै पनि अक्सिजन सिलीण्डर आइपुगेन
म सँग थोरै समय छ
मलाई थाहा छ सरकार
मेरो वरिपरि मृत्यु घुमिरहेको छ
अब पनि हजुरलाई बधाई दिइन भने
बधाई दिन नपाउँदै मेरो प्राणपखेरु सकिने छ
हुक्क ……….. हुक्क ………हुक्क ………….
म गए सरकार
राम्रो सँग बस्नुहोला
हजुरलाई हार्दिक बधाई छ ।