हामी सबैकाे संसारन्यूज

जब हावा हुुरी आउदछ
मकाउन लागेका रुखहरु सबै ढल्न थाल्दछन
तर सतिसालरुपी रुख ठिङ्ग उभिरहेको हुन्छ,
अवसरवाद र संशोधनवादले
क्रान्तिका उपलब्धिमा
रजगज गर्न थाले पछि
अवसरवाद र संशोधनवादका सन्तानहरु पनि
पद ,अवसर, लोभ, लालचको भुलभुलैयामा
नुन पग्लिएझै पग्लिन थाल्दछन,
आत्मकेन्द्रीत सोंच लिएर
शंसोधनवाद र अवसरवादका सामु लम्पसार हुनथाल्दछन
क्रान्तिलाई धोका दिन थाल्दछन,
तर वीर क्रान्तिकारीहरु भने
संघर्षको वलीवेदीमा सतिसाल झै ठिङ्ग उभिन्छन,
क्रान्ति अविरल वगि रहने नदि झै हो
अवसरवाद, शंसोधनवाद र प्रतिक्रान्तिकारीहरुका
अग्ला अग्ला पर्खालहरु भत्काउदै
सतिसालरुपी क्रान्तिकारीहरुले नै
क्रान्तिलाई विजयको शिखरमा पुर्याउनेछन ।