हामी सबैकाे संसारन्यूज

२७ जुलाई, फ्रान्स । गैरआवासीय नेपाली संघ (एनआरएनए) फ्रान्सको निर्वाचन विवादका कारण सरेको छ ।

२०२१-०२३ का लागि नयाँ कार्यससमिति चयनका लागि जुलाई २६ मा हुने भनिएको निर्वाचन विभिन्न विवादका कारण उत्पन्न समस्या हल गर्नका लागि दुवै पक्षबीच भएको समझदारीपछि अगस्त १ मा हुने समितिले जनाएको छ ।

‘गैरआवासीय नेपाली संघ राष्ट्रिय समन्वय परिषद फ्रान्सको आगामी कार्यकाल २०२१/२३ को लागि आज हुने भनिएको निर्वाचनको सम्बन्धमा उत्पन्न विवादलाई निराकरण गर्न दुवै पक्षको समझदारीमा आउँदो १ अगस्ट आइतबारको दिन हुने गरि निर्वाचन समिति २०२१ फ्रान्सले निर्णय गरेको कुरा सबै पञ्जिकृत सदस्यहरुलाई जानकारी गराइन्छ,’ निर्वाचन समितिद्धारा सोमबार जारी सूचनामा भनिएको छ, ‘यस असामान्य परिस्थितिले पञ्जिकृत सदस्यहरुमा पर्न गएको असुविधा प्रति निर्वाचन समिति क्षमाप्रार्थी रहेको कुरा प्रकट गर्दछ । बाँकी थप जानकारी निर्वाचन समितिले दिदै जानेछ ।’