हामी सबैकाे संसारन्यूज

१८ साउन, काठमाडौँ । नेकपा एमालेको माधव–झलनाथ पक्षले एमालेलाई रुपान्तरण गर्नु पर्नेमा जोड दिएको छ ।

आज बसेको माधव नेपाल र झलनाथ खनाल समूहको स्थायी कमिटी बैठकले रुपान्तरणको शर्तमा पार्टी एकतालाई जोगाउन सकिने निष्कर्ष निकालेको हो ।

उक्त बैठकले पार्टी एकतालाई अन्तिम निष्कर्षमा पुर्याउन र पार्टी एकता जोगाउन थप पहल गर्ने निर्णयसमेत गरेको बताइएको छ । सो सम्बन्धमा नेकपा एमालेका उपाध्यक्ष युवराज ज्ञवालीले भने ‘एकतालाई प्रभाव पार्ने अभिव्यक्ति कसैले पनि नदिने र सम्पूर्ण ध्यान एकतामै केन्द्रीत गर्ने निर्णय भएको छ ।’

विभिन्न कार्यक्रमहरुमा अर्को पक्षले एकताविरोधी अभिव्यक्ति दिएको विषयलाई गम्भिर रुपमा लिएको बताउँदै ज्ञवालीले ओली पक्षले एकपक्षीय रुपमा बैठक राखेर पार्टी विभाग गठन र कार्यदल गठन गरेकोमा रोक्नुपर्ने माग गरेको पनि नेता ज्ञवालीको भनाइ छ ।