हामी सबैकाे संसारन्यूज

२ भदौ, काठमाडौँ । कैद र लाखौँ जरिवाना तोकिएका फरार दुई जना पक्राउ परेका छन् ।

अदालतबाट कैद सजाय र लाखौँ जरिवाना तोकिएका फरार व्यक्तिलाई प्रहरीले आज काठमाडौँबाट पक्राउ गरेको हो ।
पक्राउ पर्नेमा काठमाडौँको दक्षिणकाली नगरपालिका – ३ का ४० वर्षका समुन्द्रकेशर केसी र काभ्रेपलाञ्चोकको धुलिखेल नगरपालिका घर भई काठमाडौँको डल्लु बस्ने ४८ वर्षीय श्यामप्रसाद धिनाजु श्रेष्ठ रहेका छन् ।

प्रहरी उपरीक्षक श्यामकुमार महतोका अनुसार काठमाडौँको चौमतीबाट पक्राउ परेका केसीलाई अदालतले १५ दिन कैद र रु ३० लाख जरिवाना तथा बसपार्कबाट पक्राउ परेका श्रेष्ठलाई ६ दिन कैद र रु १० लाख जरिवाना हुने फैसला सुनाएको थियो ।

उनीहरुले आफ्नो खातामा पर्याप्त रकम नभएको जानी जानी पीडितलाई झुक्याउन चेक दिएर बैंकिङ कसूरजन्य अपराध गरेको ठहर भएको थियो । त्यसपछि फरार रहेका उनीहरुलाई प्रहरीको केन्द्रीय अनुसन्धान ब्यूरोबाट खटिएको टोलीले पक्राउ गरी आजै फैसला कार्यान्वयनको लागि अदालतमा पेश गरेको जनाइएको छ ।