Sansar News
बलिउड नायिका कटरिना कैफले आफ्ना प्रेमी नायक विक्किी कौसलसँग लगन गाँठो कस्ने भएकी छन् ।
समाचार ऐजेन्सीका अनुसार नायक विक्की र कटरिनाले आउँदो डिसेम्बरमा बिहे गर्ने भएका हुन् । विभिन्न मेडियामा उनीहरु दुवैले यसअघि नै इंगेजमेन्ट गरेको समाचार आएपनि दुवैले त्यो सत्य नभएको बताउँदै आएका छन् । तर, यतिबेला भने उनीहरुले बिहेको तयारी गरिरहेको र बेहुला बेहुलीका लागि कपडाको डिजाइन गर्ने जिम्मा फेसन तथा ज्वेलरी डिजाइनर सब्याची मुखर्जीको कम्पनीले गरिरहेको छ ।
केटरिनाले बिहेमा लगाउनका लागि सिल्कको लेहेंगा अर्डर गरेकी छन् ।
बिट्रेनी मुलकी भारतीय अभिनेत्री ३७ वर्षीया कैफले २००३ मा व्यवसायीक रुपमा फिल्म क्षेत्रमा प्रवेश गरेकी थिइन् । उनको पहिलो फिल्म बुम रहेको छ । कैफले मैने प्यार क्युँ किया र नमस्ते लन्डनबाट सफलता हासिल गरेकी हुन् । उनले दर्जनौ फिल्ममा काम गरिसकेकी छन् । कैफका पार्टनर, वेलकम, सिंह इज किंग लगायतका फिल्मबाट बढी चर्चामा आएकी थिइन् ।
मुम्बईको महाराष्ट्रमा जन्मिएका ३३ वर्षीय कौशल २०१५ मा प्रदर्शनमा आएको फिल्म ‘मसान’ बाट चर्चित छन् ।
वि.सं.२०७८ कात्तिक १० बुधवार १५:३६ मा प्रकाशित
