हामी सबैकाे संसारन्यूज

काठमाडौं । प्रदेशसभाको बैठकबाटै राजीनामाको घोषणा गरेकी बागमतीकी मुख्यमन्त्री अष्टलक्ष्मी शाक्यले प्रदेश प्रमुखलाई राजीनामा पत्र बुझाएकी छिन् । प्रदेशसभाबाट बाहिरिएलगत्तै उनलवे प्रदेश प्रमुख यादवचन्द्र शर्मालाई भेटेर राजीनामा बुझाएकी हुन् ।

माधवकुमार नेपाल पक्ष बेग्लै पार्टी निर्माणमा जुट्दै गर्दा शाक्य एमालेको एकल बहुमतका आधारमा भदौ २ मा मुख्यमन्त्री नियुक्त भएकी थिइन् । तर, एमाले विभाजन भएसँगै १३ सांसदले एकीकृत समाजवादी पार्टी रोजेपछि उनी अल्पमतमा परेकी थिइन् ।

१०९ सदस्यीय प्रदेशसभामा एमालेका ४३, माओवादी केन्द्रका २३, कांग्रेसका २२, एकीकृत समाजवादीका १३, विवेकशील साझाका तीन, नेमकिपाका र राप्रपाका २/२ र जसपाका एक सांसद छन् ।

मुख्यमन्त्री शाक्यले राजीनामा बुझाएपछि बागमती प्रदेशमा अर्को सरकार गठनको बाटो खुलेको छ ।

नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीको गठबन्धनले बागमती प्रदेशमा अर्को सरकार गठनको तयारी गरेका छन् । एमालेइतरको गठबन्धनसँग ५९ सांसद छन् ।

उनीहरुले एकीकृत समाजवादीको संसदीय दलका नेता राजेन्द्र पाण्डेलाई मुख्यमन्त्री बनाउने निर्णयसमेत गरिसकेका छन् ।

सम्बन्धित समाचार

मुख्यमन्त्री शाक्यले दिइन् पदबाट राजीनामा