हामी सबैकाे संसारन्यूज

१
रगत र पसिना बगाउने नहर
भौतिक सुखको राजधानी हो सहर ।
२
अनेकौं सपना सजाएँ रहरमा
गाउँ छोडी पसियो स्वार्थी सहरमा ।
३
गरिबको जिन्दगी राखेर दाउमा
लुट्नु लुटेका छन् सहरिया भाउमा ।
४
पीडा दियो बिषालु सर्पको जहरले
मलाई औषधि पिलायो यै सहरले ।
५
बाटोघाटो घुम्दै आउँदैछ रेल
सहरमै खेल्छन् राजनीति खेल ।
६
दाइजोकै कारण बुहारी कुटिन्छ
नारीउषको अस्मिता सहरमा लुटिन्छ ।
७
खै कसलाई कसको लाग्छ भर
यही सहरमा तिर्नुपर्छ कर ।
८
सन्तानको भार पिठिउँमा पाल्ने
सहरमै छ छोरो बृद्धाश्रम फाल्ने ।
९
मन ठूलो राखेर शान्तिको श्वास फेर्न पाओस्
सधैं हाम्रो सहर फलोस् ,फुलोस् र मुस्कुराओस् ।
१०
गाउँको पनि मुहार फेरियोस्
सहरलाई मात्रै नहेरियोस् ।