Sansar News
चितवन । नेकपा (एमाले) को १० औँ राष्ट्रिय महाधिवेशनको तयारी अन्तिम चरणमा पुगेसँगै लोगोमा राखिएको गैँडाको मस्कटको मूर्ति पनि तयार भएको छ ।
एमालेले कम्युनिष्ट पार्टीको झण्डा बोकेको गैँडाको मस्कटसहितको लोगो गत कात्तिक २६ मा सार्वजनिक गरेको थियो । एमालेले साढे तीन लाखको लागतमा गैँडाको मस्कट तयार गरेको हो ।
चितवन एकसिंगे गैँडाद्वारा परिचित भएकाले महाधिवेशनको लोगोमा पनि गैँडाकै मस्कट राखिएको एमालेले जनाएको छ । यो मस्कट मूर्तिकार सूर्य मध्यरातसहित १० जनाको टिमले १० दिन लगाएर तयार गरेका हुन् ।
यही मंसिर १० देखि १२ गते हुन गईरहेको महाधिवेशनका लागि मञ्च निर्माण, सुरक्षा व्यवस्था, प्रतिनिधिलाई खानपान तथा आवासको व्यवस्था र प्रचारप्रसार सहितका काम धमाधम भइरहेका छन् ।
वि.सं.२०७८ मंसिर ८ बुधवार १२:४७ मा प्रकाशित
