Sansar News
काडमाडौं । कर्मचारीले अवकाश हुँदा पाएको पैसामा अब कर नलाग्ने भएको छ । सर्वोच्च अदालतले अवकाश हुँदा पाएको पैसामा कर लगाउने सरकारको निर्णयलाई खारेज गरिदिएको हो ।
सर्वोच्च अदालतका न्यायाधीशद्वय ईश्वर खतिवडा र नहकुल सुवेदीको इजलाशले अवकाश हुँदा पाएको रकममा १५ प्रतिशत कर लगाउने निर्णय खारेज गरेको हो । तत्कालिन केपी शर्मा ओली नेतृत्वको सरकारले ०७५ सालमा अवकाश हुँदा कर्मचारीले पाएको रकममा १५ प्रतिशत कर लगाउने निर्णय गरेको थियो ।
तत्कालिन सरकारले गरेको उक्त निर्णयविरुद्ध अदालतमा ४ वटा मुद्दा परेका थिए । सबै मुद्दालाई एउटै पेशीमा सुनुवाई गर्दै सर्वोच्चले १५ प्रतिशत कर लगाउन नपाउने फैसला गरेको हो ।
तत्कालिन सरकारले ५ प्रतिशत लाग्ने करलाई १५ प्रतिशत पुर्याएको थियो । अदालतको फैसलापछि सरकारले लिएको १० प्रतिशत कर रकम भने कर्मचारीलाई फिर्ता गर्नुपर्ने हुन्छ ।
वि.सं.२०७८ मंसिर २३ बिहीवार १३:१३ मा प्रकाशित
