Sansar News
१२ पुष, काठमाडौँ । नेपाल स्टक एक्सचेञ्ज (नेप्से) मा ३ कम्पनीको शेयरमूल्य समायोजन भएको छ । नेप्सेमा नेपाल क्रेडिट एण्ड कमर्स बैंक, विजय लघुवित्त र महुली लघुवित्तको शेयरमूल्य समायोजन भएको हो।
नेप्सेले नेपाल क्रेडिट एण्ड कमर्स बैंकको ८ प्रतिशत बोनस शेयर समायोजन गरेको हो । समायोजनपश्चात बैंकको शेयरमूल्य २६३ रुपैयाँ ४३ पैसा कायम भएको छ । कम्पनीको आइतबार अन्तिम कारोबार २८४ रुपैयाँ ५० पैसामा पैसा भएको थियो ।
त्यसैगरी नेप्सेले विजय लघुवित्तको २०.०३ प्रतिशत बोनस शेयर समायोजन गरेको हो । समायोजनपश्चात संस्थाको शेयरमूल्य १ हजार २७२ रुपैयाँ १८ पैसा कायम भएको छ । विजय लघुवित्तको आइतबार अन्तिम कारोबार १ हजार ५२७ मा पैसामा भएको थियो ।
त्यसैगरी माहुली लघुवित्तको २६ प्रतिशत बोनस शेयर समायोजन भएकाे छ । समायोजनपश्चात संस्थाको शेयरमूल्य १ हजार ५०२ रुपैयाँ ३८ पैसा कायम भएको छ । लघुवित्तको आइतबार अन्तिम कारोबार १ हजार ८९३ रुपैयाँमा भएको थियो ।
वि.सं.२०७८ पुस १२ सोमवार १०:३२ मा प्रकाशित
