हामी सबैकाे संसारन्यूज

काठमाडौं । पूर्वप्रधानमन्त्री तथा नेकपा (एकिकृत समाजवादी) का सम्मानित नेता झलनाथ खनलाले चाडपर्वहरुले नै एकआपसमा पारस्पारिक सम्मान, सहिष्णुता, सद्भाव र एकतालाई अझ बलियो हुनेगरी स्थापित गर्ने बताएका छन् ।

तामाङ समुदायको महान पर्व सोनाम ल्होछारका अवसरमा देश तथा विदेशमा रहेका तामाङ समुदायमा शुभकामना दिँदै नेता खनालले नेपाली समाजमा रहेका बिभिन्न जातिहरु मध्ये तामाङ जाति एउटा महत्वपूर्ण जाति रहेको बताएका छन् ।

‘नेपाल एक बहुजातीय, बहुभाषिक र बहुसांस्कृतिक मुलुक हो । यहाँ विभिन्न समुदायका जनताले आफ्ना मौलिक चाड पर्वहरू र संस्कृतिलाई आफ्नै रिति र परम्परा अनुसार मनाउँदै आएका छन,’ नेता खनालले शुभकामना दिँदै भनेका छन्, ‘यस्ता चाडपर्वहरुले बिभिन्न जाति समुदायका हाम्रा परम्परागत मौलिक संस्कृतिहरुको जगेर्ना गर्नेछ र एकआपसमा पारस्पारिक सम्मान, सहिष्णुता, सद्भाव र एकतालाई अझ बलियो हुनेगरी स्थापित गर्नेछ । अन्त्यमा, सोनाम ल्होछार पर्वको हार्दिक शुभकामना !!!’