हामी सबैकाे संसारन्यूज

४ फागुन, काठमाडौँ । इमर्जिङ्ग नेपाल लिमिटेडकोे आईपीओ बाँडफाँड सम्पन्न भएको छ ।

धितोपत्र निष्काशन तथा बिक्री प्रवन्धक एनआईसी एशियाले लक्की ड्र मार्फत उक्त आईपिओ बाँडफाँट गरेको हो । आईपीओमा आवेदन दिने मध्ये ५१ हजार ६७० जनाले गोलाप्रथाबाट १०/१० कित्ता शेयर प्राप्त गरेका छन् भने भाग्यमानी ८ जनाले ११ कित्ता सेयर प्राप्त गरेका छन ।

इमर्जिङ्ग नेपालले माघ २६ गतेदेखि सर्वसाधारणका लागि ५ करोड ५५ लाख ६० हजार रुपैयाँ बराबरको ५ लाख ५५ हजार ६०० कित्ता आईपीओ जारी गरेको थियो । निष्काशन गरिएको कुल शेयरमध्ये २ प्रतिशत अर्थात ११ हजार ११२ कित्ता शेयर कर्मचारीहरुका लागि र ५ प्रतिशत अर्थात २७ हजार ७८० कित्ता शेयर सामूहिक लगानी कोषका लागि छुट्याइएर बाँकी रहेको ५ लाख १६ हजार ७०८ कित्ता लागि सर्वसाधारणले आवेदन दिएका थिए ।